Soltústik polıýstegi ǵylymı ekspedıtsııaǵa 22 eldiń oqýshylary attandy
ASTANA. KAZINFORM — Mýrmanskide «Bilim muzjarǵyshy» halyqaralyq ǵylymı-bilim berý ekspedıtsııasy bastaldy. 22 elden kelgen jasóspirimder Arktıkada 10 kún bolyp, ǵalymdardyń jumysymen tanysady. Ǵylymı zertteýlerge qatysyp, geografııalyq Soltústik polıýske barady, dep habarlaıdy TV BRICS.
Ekspedıtsııaǵa Úndistan, Qytaı, Reseı jáne basqa da memleketterden kelgen 14–16 jas aralyǵyndaǵy mektep oqýshylary qatysyp jatyr.
Qatysýshylar Mýrmanskiden atomdyq muzjarǵysh kememen Jer sharyndaǵy jetýi qıyn aımaqtardyń biri — Soltústik polıýske jol tartty. Sapar barysynda olar úshin jaratylystaný ǵylymdary men Arktıkany zertteýge arnalǵan arnaıy bilim berý baǵdarlamasy uıymdastyrylǵan.
Buǵan deıin árbir el ulttyq irikteý qorytyndysy boıynsha óz ókilin anyqtaǵan bolatyn.
— Aldymyzda Soltústik polıýske deıingi on kúndik sapar tur. Biz álemde osy núktege jete alǵan sanaýly adamdardyń qataryna qosylamyz, — dedi úndistandyq qatysýshy Lakı Ravat.
Uıymdastyrýshylar bul joba oqýshylardyń ǵylymǵa, tehnologııalarǵa jáne ekologııalyq zertteýlerge qyzyǵýshylyǵyn arttyrady dep senedi.
Aıta keteıik, buǵan deıin Qazaqstandaǵy kýrorttarda demalý quny qansha turatynyn jazǵan bolatynbyz.
