Soltústik pen ortalyqta salqyndaıdy, ońtústikte ystyq saqtalady
ASTANA. KAZINFORM — Qazgıdromet 27–29 tamyzǵa arnalǵan aýa raıy boljamyn jarııalady.
Soltústik tsıklon jáne onymen baılanysty atmosferalyq fronttar elimizdiń basym bóliginde jańbyrly aýa raıyn qalyptastyrady. Naızaǵaı oınap, jańbyr jaýady, jekelegen aýdandarda qatty jańbyr, burshaq jáne daýyl bolýy múmkin.
Elimizdiń batysynda Skandınavııa antıtsıklonynyń yqpalymen bult az aýa raıy ornaıdy. Antıtsıklon shyǵys baǵytqa qaraı jyljýyna baılanysty jaýyn-shashynsyz aýa raıy qalyptasady.
Aýa temperatýrasynyń kúndiz aıtarlyqtaı tómendeýi kútiledi: batysta +16…+24 °C, soltústikte +12…+20 °C, ortalyqta +17…+25 °C deıin. Al shyǵysta aýa temperatýrasy +23…+30 °C deıin joǵarylaıdy.
Respýblıkanyń ońtústigi men ońtústik-shyǵysy jyly aýa massasynyń yqpalynda qalady. Bul óńirlerde jaýyn-shashynsyz aýa raıy saqtalyp, kúndiz aýa temperatýrasy +30…+37 °C aralyǵynda bolady.
Aıta ketelik búgin elimizdiń bes qalasynda aýa sapasy nasharlaıdy.
