Soltústik pen ortalyqta kúndiz 10–17 gradýs jyly bolady
ASTANA. KAZINFORM — Qazgıdromet 8–10 qazanǵa Qazaqstan boıynsha aýa raıy boljamyn jarııalady.
8–10 qazanda Qazaqstannyń basym bóliginde aýa raıy turaqsyz bolyp, jańbyr jaýady. Eldiń soltústik-batysynda, soltústiginde jáne shyǵysynda jańbyr aralas qar jaýady, shyǵysynda kóktaıǵaq bolady. Tek respýblıkanyń batysy men ońtústiginde antıtsıklonnyń áserinen jaýyn-shashynsyz aýa raıy kútiledi. Respýblıka boıynsha jel kúsheıip, túngi jáne tańerteńgi ýaqytta tuman basady.
Eldiń batysynda túnde aýa temperatýrasynyń negizgi fony +5+16°S, kúndiz +17+22°S-tan +22+27°S-qa deıin joǵarylaıdy.
Soltústik-batysta, soltústikte jáne ortalyqta túnde aýa temperatýrasy +3+13°S-tan -1-6°S-qa deıin tómendeıdi, kúndiz aýa temperatýrasynyń negizgi fony +10+17°S bolady.
Shyǵysta túnde aýa temperatýrasynyń negizgi fony 0,+8°S, kúndiz +10+15°S-tan +2+7°S-qa deıin tómendeıdi.
Ońtústikte jáne ońtústik-shyǵysta túnde aýa temperatýrasynyń negizgi fony +3+10°S, taýly aýdandarda 2°S-qa deıin úsik kútiledi. Kúndiz aýa temperatýrasy +17+25°S, taýly aýdandarda +12+17°S bolady.
