11:06, 11 Mamyr 2024 | GMT +6
Soltústik oblystarda aspan qyzǵylt-jasyl túske boıaldy
ASTANA. KAZINFORM — Kún sáýlesindegi sońǵy belsendilik Qazaqstannyń soltústik endikterinde Soltústik shuǵylasynyń jańa tolqynyn týdyrdy. Qostanaı oblysynyń turǵyndary túrli fotosýretterdi bólisti.
Aspannyń ashyq qyzǵylt, jasyl túske boıalǵanyn ásirese Sarykól, Qostanaı, Lısakovsk aýdandarynyń turǵyndary baıqady.
Aıta keteıik, qostanaılyqtar buǵan deıin de erekshe qubylystyń kýási bolǵan edi. Ótken jyldyń qarasha aıynda da Qostanaı aspanyn qyzyl-jasyl gradıent jaýlaǵan.
Turǵyndardyń biri áleýmettik jelide tańdanysyn bildirse, endi bireýler qoryqqanyn jazǵan edi.
Bul qubylysty sonymen qatar Pavlodar, Aqmola oblystary men Astana mańynda turatyndar da baıqaǵan.
Buǵan deıin ǵalymdar Kúnniń qýatty jarqylyn tirkegen edi.
