Soltústik Makedonııada túngi klýbtaǵy órtten 51 adam kóz jumdy

ASTANA. KAZINFORM - Kochanı qalasyndaǵy túngi klýbtan shyqqan órtten kem degende 51 adam qaza taýyp, 100-den astamy jaraqat aldy, dep habarlaıdy Kazinform BBC-ge silteme jasap.

Soltústik Makedonııa Іshki ister mınıstrliginiń málimetinshe, órt jeksenbige qaraǵan túni tanymal hıp-hop dýeti ADN kontserti ótip jatqan Pulse klýbynda bolǵan. Keshke 1 500-ge jýyq adam qatysqan. 

— Qazirgi ýaqytta órttiń shyǵý sebepteri anyqtalyp, birneshe adam ustaldy, - dep habarlady Nova Makedonia. 

Jergilikti aqparat quraldarynyń dereginshe, qyzyl jalyn túngi klýbta pırotehnıkalyq zattardy qoldanýdyń saldarynan tutanyp, sońy alapat órtke ulasqan. 

Buǵan deıin AQSh áýejaıynda American Airlines jolaýshylar ushaǵy órtenip ketkenin jazǵan edik.