Soltústik Makedonııada 61 jastaǵy áıel tuńǵyshyn dúnıege ákeldi
ASTANA. KAZINFORM — Soltústik Makedonııada 61 jasynda tuńǵyshyn dúnıege ákelgen áıel eldegi «eń qart ana» atandy. Bul týraly Anadoly aqparat agenttigi habarlady.
Kırıll jáne Mefodıı ýnıversıteti janyndaǵy akýsherlik jáne gınekologııa klınıkasynyń dırektory Irena Papesteva jýrnalısterge 61 jastaǵy áıeldiń tuńǵyshyn dúnıege ákelgenin málimdegen.
Ol áıeldiń «eldegi eń qart áıel» ataǵyn alǵanyn atap ótti.
— Medıtsına áleminde shek joq. Petar esimdi sábıdiń salmaǵy 2,3 keli, boıy 48 sm boldy, — deıdi dırektor.
Onyń aıtýynsha, júktilik ekstrakorporaldy uryqtandyrý arqyly bolǵan jáne bul Soltústik Makedonııada birinshi ret bolyp otyr.
— Elimizdiń túkpir-túkpirindegi áıelder júktilik protsesin qyzyǵýshylyqpen qadaǵalady. Áıel ýnıversıtet klınıkasynda júktiliktiń 36-aptasynda bosandy. Ana men balanyń jaǵdaıy qanaǵattanarlyq dep baǵalanyp otyr, — dedi Papesteva.
Aıta keteıik, Shyǵys Qazaqstan oblysynda «Ańsaǵan sábı» baǵdarlamasy boıynsha bıylǵy alǵashqy sábı dúnıege keldi.
