Soltústik Koreıada sheneýnikter jappaı ólim jazasyna kesildi

PHENЬıAN. KAZINFORM – Soltústik Koreıa úkimeti tamyz aıynyń sońynda 20-30 sheneýnikti sý tasqynynan qorǵaı almaǵany úshin ólim jazasyna kesti. Bul týraly ońtústikkoreıalyq «Chosun» telearnasy habarlady.

Derekkózdiń málimetinshe, Soltústik Koreıa tamyz aıynda sý basqan aımaqta jumys istegen kem degende 20 memlekettik qyzmetkerdi ólim jazasyna kesken. Ólim jazasyna kesilgenderdiń arasynda oblys ákimderi deńgeıindegi sheneýnikter de bar.

Aqparat úshin, aǵymdaǵy jyldyń 31 shildesinde Soltústik Koreıada sý tasqynyna baılanysty tótenshe jaǵdaı jarııalanǵan bolatyn. Tolassyz jaýǵan jańbyr saldarynan elde 4 myńnan astam úıdi sý basty. Soltústik Koreıa basshysy Kım Chen Yn sý tasqynynan zardap shekken aımaqtarǵa bardy.

KHDR basshysy gýmanıtarlyq kómek kórsetýge daıyn ekendikterin bildirgen elder men halyqaralyq uıymdarǵa alǵysyn bildirdi, biraq olardy qabyldamaǵan. Ol el bıligi basqarýdyń barlyq salasynda óz kúshine súıenetinin basa aıtty.

Onyń aıtýynsha, Soltústik Koreıa úkimeti sý tasqynynan kelgen shyǵyndy eńserý úshin el halqyna arqa súıegisi keledi.