Soltústik Koreıa zymyran men snarıad óndirisin arttyrady
ASTANA.KAZINFORM - Koreıa Halyq Demokratııalyq Respýblıkasynyń (KHDR) kóshbasshysy Kım Chen Yn jańa oq-dári zaýytyn salý josparyn jarııalady.
Soltústik Koreıa kóshbasshysy zymyran jáne snarıad óndirisin arttyrý - eldiń soǵysty toqtatý múmkindigin nyǵaıtý úshin mańyzdy ekenin atap ótti.
Yonhap agenttiginiń KHDR memlekettik jańalyqtar agenttigine silteme jasaı otyryp habarlaýynsha, Kım Chen Yn bul týraly qorǵanys ónerkásibiniń iri zaýyttaryn aralaǵan kezde málimdedi. Zaýyttardyń ornalasqan jeri naqtylanbaǵan.
Ol sondaı-aq aldaǵy partııa sezinde jańa oq-dári zaýyttaryn salý jospary qabyldanatynyn aıtty.
- Koreıa Halyq armııasynyń zymyran jáne artıllerııalyq kúshteriniń aldaǵy qajettiligin qanaǵattandyrý úshin josparlanǵandaı jańa oq-dári óndirisin qurý arqyly qorǵanys ónerkásibin jańǵyrtýdy úzdiksiz jetildirý qajet, - dedi Kım Chen Yn.
Shyn máninde, onyń tekserýi kelesi jyldyń basynda ótetin Toǵyzynshy partııa sezi qarsańynda qorǵanys salasyndaǵy jetistikterdi baǵalaýǵa baǵyttalǵan.
Esterińizge sala keteıik, buǵan deıin KHDR alǵashqy ıadrolyq súńgýir qaıyǵynyń sýretterin jarııalady.