Soltústik Koreıa ıadrolyq qarý áleýetin arttyrdy – MAGATE
ASTANA. KAZINFORM – Soltústik Koreıa sońǵy ýaqytta ıadrolyq qarýyn damytýda «óte mańyzdy» ilgerileýshilikke qol jetkizdi. Bul ýran baıytý jańa zaýyty qurylysynyń arqasynda bolýy múmkin. Halyqaralyq atom energııasy jónindegi Halyqaralyq agenttik basshysy Rafael Grossı bul týraly Seýlge sapary kezinde málimdedi, dep habarlaıdy Reuters.
MAGATE basshysy Seýlde sóılegen sózinde 5 megavatttyq reaktor, ıadrolyq otyndy qaıta óńdeý qondyrǵysy, jeńil sý reaktory jáne Soltústik Koreıanyń Ionben ıadrolyq keshenindegi basqa da nysandarda belsendilik kúrt artqanyn rastady.
- Osy belgilerdiń barlyǵy Soltústik Koreıanyń ıadrolyq qarý áleýetiniń aıtarlyqtaı artqanyn kórsetip otyr, - dedi Grossı.
Ol sondaı-aq Soltústik Koreıanyń ıadrolyq baǵdarlamasy birneshe ondaǵan oqtumsyqtan turýy múmkin dep shamalady.
Qadaǵalaý organy ókiliniń aıtýynsha, Ionbendegi ýran baıytý tsehterine uqsas jańa nysan qurylysy baıqaldy, al syrtqy sıpattamalardy taldaý qýattyń aıtarlyqtaı óskenin kórsetti.
MAGATE baǵalaýy amerıkalyq Strategııalyq jáne halyqaralyq zertteýler ortalyǵynyń jaqynda jarııalanǵan esebimen rastalyp otyr. Onda qarý-jaraq materıalyn óndirýge qabiletti ýran baıytý zaýyty qurylysynyń aıaqtalǵany atalyp ótken.
- ıAdrolyq qarýǵa kóshý eshqashan eshbir eldiń qaýipsizdigin jaqsartpaıdy, kerisinshe, olardyń taralýyna sebep bolýy múmkin, - dedi Grossı.
Ońtústik Koreıanyń atom súńgýir qaıyqtaryn jasaý baǵdarlamasy týraly aıta kele, Grossı Seýldi ıadrolyq qarýdyń taralý qaýpin boldyrmaý úshin agenttikpen tyǵyz yntymaqtastyqta jumys isteýge shaqyrǵanyn málimdedi.
- Halyqaralyq qaýymdastyq bul jobanyń MAGATE kepildigimen júzege asyrylyp jatqanyn kórýi úshin jáne agenttik ınspektorlary ıadrolyq materıaldyń tek súńgýir qaıyqtyń qozǵalysy úshin ǵana paıdalanylatynyn jáne basqa eshteńe úshin paıdalanylmaıtynyn tekserýi úshin MAGATE-men tehnıkalyq turǵydan negizdelgen kelisimderge qol jetkizý óte mańyzdy, - dedi ol Seýlde ótken baspasóz máslıhatynda.
Just concluded a very important, timely and productive meeting with 🇰🇷 @mofa_kr Foreign Minister @FMChoHyun, during my third visit to the Republic of Korea as IAEA DG.
— Rafael Mariano Grossi (@rafaelmgrossi) April 15, 2026
As one of the world’s leading nuclear energy countries, ROK is a crucial partner and a strong supporter of the… pic.twitter.com/VbaKU4mVV9
Ol MAGATE bul protsesti ózderiniń ıadrolyq súńgýir qaıyqtaryn jasaý týraly sheshim qabyldaǵan taǵy eki el – Aýstralııa jáne Brazılııamen birge júrgizip jatqanyn qosty.
Osyǵan deıin Qazaqstan men Koreıa atom energetıkasy jobalaryn birlesip damytýǵa nıetti ekenin jazdyq.
