Soltústik Koreıa sý astynan ushyrylatyn eki jańa zymyranyn synaqtan ótkizdi
ASTANA. KAZINFORM — KHDR zymyran jasaý bas basqarmasy sý astynan ushyrylatyn strategııalyq qanatty zymyrandardyń eki túrin synaqtan ótkizdi, dep habarlaıdy TASS-qa silteme jasaǵan Kazinform.
Koreıanyń Ortalyq telegraf agenttiginiń (KOTA) habarlaýynsha, zymyrandar 14 qazanda Japon teńiziniń akvatorııasynda ushyrylǵan. Agenttiktiń málimetinshe, synaqtyń negizgi maqsaty — sýasty áskerı júıeleriniń daıyndyǵyn tekserý jáne áskerı-teńiz kúshteriniń strategııalyq mindetterdi oryndaý qabiletin jetildirý.
Koreıanyń Ortalyq telegraf agenttigi synaqtar Soltústik Koreıanyń qorǵanys júıesiniń senimdiligi men múmkindikterin kórsetkenin atap ótti. Sondaı-aq zymyran ushyrý kórshi elderdiń qaýipsizdigine qater tóndirmegeni aıtyldy.
Synaqty Koreıa Eńbek partııasy Ortalyq komıteti bólim meńgerýshisiniń birinshi orynbasary Kım Chon Sık, Bas zymyran jasaý basqarmasynyń basshysy Chan Chhan Ha jáne KHDR Áskerı-teńiz kúshteriniń sýasty qarý-jaraǵy júıeleri boıynsha mamandary baqylaǵan.
Buǵan deıin Ońtústik Koreıanyń Qarýly kúshteri Soltústik Koreıanyń Japon teńizi baǵytyna birneshe ballıstıkalyq zymyran ushyrǵanyn tirkegen.
