Soltústik Koreıa Sary teńizge qaraı 60 snarıad atty

Phenıan batys jaǵalaýynan Sary teńizge qaraı taǵy da 60-qa jýyq snarıad atqylady, dep habarlaıdy Kazinform Yonhap agenttigi men Koreıa Respýblıkasy Qarýly Kúshteri Shtab bastyqtary komıtetine silteme jasap.

Jaǵalaý artıllerııasy jergilikti ýaqyt boıynsha 16:00-17:00 (Máskeý ýaqyty boıynsha 10:00 - 11:00) arasynda oq jaýdyrdy, snarıadtar Seýl is júzinde teńiz shekarasy dep sanaıtyn soltústik demarkatsııalyq syzyǵynyń soltústigine, býferlik aımaqqa qulady. 

Seýl keıbir erejelerdi oryndaýdy toqtatqannan keıin Phenıan da ony oryndaýdan bas tartqan.

Bul joly ońtústikkoreıalyq tarap mundaı jattyǵýlar ótkizýdi josparlap otyrǵan joq.

5 qańtarda oqý-jattyǵýlar aıasynda Soltústik Koreıanyń jaǵalaý artıllerııasy Ońtústik Koreıanyń Sary teńizde ornalasqan Enphendo jáne Pangendo araldaryna qaraı 200-ge jýyq snarıad atqylady. Buǵan jaýap retinde ońtústik koreıalyq áskerıler 400 snarıad atqylap, óz manevrlerin jasady.