Soltústik Koreıa Ońtústik Koreıamen shekarada qabyrǵa turǵyzyp jatyr
ASTANA. KAZINFORM — Soltústik Koreıa Ońtústik Koreıa elimen shekara boıynda qabyrǵa turǵyzbaq, oǵan spýtnıktik sýretter dálel. Bul týraly BBC News habarlady.
BBC Verify eki el arasyndaǵy shekaranyń jeti shaqyrym bóliginde túsirilgen ajyratymdylyǵy joǵary spýtnıktik sýretterge taldaý jasady.
Sýretterden jalpy uzyndyǵy shamamen 1 shaqyrym bolatyn demılıtarızatsııalanǵan aımaqtyń janynda qorshaý salynǵan kem degende úsh ýchaskeni kórýge bolady.
Olar shekaranyń shyǵys shetine jaqyn ornalasqan. Shekaranyń basqa bólikterinde de kedergiler salynýy múmkin.
Alynǵan sýretter demılıtarızatsııalanǵan aımaqtyń (DMZ) ishindegi jer ýchaskeleriniń tazartylǵanyn kórsetedi.
Sarapshylardyń pikirinshe, bul Ońtústik Koreıamen burynnan kele jatqan bitimdi buzýy múmkin.
DMZ — Koreıanyń soltústigi men ońtústigin bóletin uzyndyǵy 240 shaqyrym jáne eni 4 shaqyrym býferlik aımaq.
Ol 1953 jyly eki el arasyndaǵy jaýyngerlik is-qımyl aıaqtalyp, bitimgershilik kelisimine qol qoıylǵannan keıin quryldy.
