Soltústik Koreıa memlekettik týyn ózgertti

ASTANA. KAZINFORM — KHDR 1948 jyly qurylǵannan beri alǵash ret memlekettik týynyń pishinin ózgertti, dep habarlaıdy Yonhap.

Severnaıa Koreıa ızmenıla flag
Foto: NEWS.am

Soltústik Koreıa Konstıtýtsııaǵa ózgeris engizý arqyly memlekettik týynyń ólshemin ózgertti. Jańa normaǵa sáıkes, týdyń bıiktigi men eniniń araqatynasy burynǵy 1:2-den 1:1,65-ke aýysty.

Týdyń ólshemi ózgergenimen, jalpy dızaıny sol kúıinde qaldy. Onyń ortasynda jalpaq qyzyl jolaq, joǵarǵy jáne tómengi bóliginde jińishke aq jolaqtar, eki shetinde kók jolaqtar ornalasqan. Sondaı-aq aq sheńberdiń ishinde qyzyl bes buryshty juldyz beınelengen.

Bul ózgeris Soltústik Koreıa basshysy Kım Chen Ynnyń ózindik basqarý stılin qalyptastyryp, ulttyq biregeılikti nyǵaıtýǵa umtylysymen tuspa-tus keldi.

Eske sala keteıik, mamyr aıynda Soltústik Koreıa bıligi Konstıtýtsııaǵa ózgerister engizip, onda Ońtústik Koreıanyń jeke memleket retindegi mártebesin resmı túrde bekitti. Sondaı-aq Kım Chen Ynnyń mártebesin kóterdi.

Sonymen qatar buǵan deıin Túrki memleketteri uıymy (TMU) óz týyn ǵaryshqa jiberetini habarlanǵan bolatyn.