Soltústik Koreıa mektepterinde orys tili mindetti pán retinde engizildi
ASTANA. KAZINFORM – KHDR mektepterinde orys tili 4-synyptan bastap mindetti pán retinde oqytylady. Bul týraly Reseıdiń tabıǵı resýrstar mınıstri jáne RF–KHDR saýda-ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııanyń teń tóraǵasy Aleksandr Kozlov málimdedi, dep habarlaıdy TASS.
Mınıstrdiń aıtýynsha, qazirgi tańda Reseıde koreı tilin úsh myńnan astam oqýshy oqıdy. Olardyń basym bóligi koreı tilin ekinshi nemese úshinshi shet tili retinde tańdaıdy.
— KHDR-da orys tili 4-synyptan bastap mindetti til retinde engizilgenin bilemiz. Reseıde de koreı tilin úırenip jatqan oqýshylar sany artyp keledi, — dedi Kozlov komıssııa otyrysynda.
Ol sondaı-aq 2026 jyly KHDR-da orys tilinde bilim berý ortalyǵy ashylady degen úmit bar ekenin atap ótti. Ortalyq Kım Chhol Chjý atyndaǵy pedagogıkalyq ýnıversıtet bazasynda jumys isteıdi. Qazirgi ýaqytta ortalyq ornalasatyn ǵımarattyń qurylysy júrip jatyr.
Eske salaıyq, shilde aıynyń sońynda Máskeýden Phenıanǵa alǵashqy tikeleı áýe reısi qonǵan bolatyn.