Soltústik Qazaqstan oblysyndaǵy trassada jol-kólik oqıǵasy bolyp, bir adam kóz jumdy

PETROPAVL. KAZINFORM – Soltústik Qazaqstan oblysynyń aýmaǵynda «Petropavl-Jezqazǵan» avtojolynda eki kólik soqtyǵysyp, saldarynan jeńil mashına júrgizýshisi oqıǵa ornynda kóz jumdy. 

Kýágerlerdiń aıtýynsha, oqıǵa Prııshımka eldi mekeniniń mańynda bolǵan. Toyota Camry avtokóligi jolda Shacman júk kóligine soqtyǵysyp, jeńil kólik lap etip, otqa oranǵan. Júrgizýshini qutqarý múmkin bolmady. 

SQO Polıtsııa deportamenti baspasóz qyzmeti jol-kólik oqıǵasyn rastady. 

— 7 aqpanda SQO aýmaǵynda «Jezqazǵan — Petropavl» avtojolynda Shacman júk kóligi men Toyota Camry jeńil avtokóliginiń qatysýymen jol-kólik oqıǵasy tirkeldi. Jol apaty saldarynan Toyota avtokóliginiń júrgizýshisi mert boldy. Osy derek boıynsha polıtsııa qylmystyq is qozǵady. Qazirgi ýaqytta jol-kólik oqıǵasynyń barlyq mán-jaıy anyqtalyp jatyr, - delingen vedomstvonyń jaýabynda.

Polıtsııa departamenti jol qozǵalysyna qatysýshylardy qaıǵyly jaǵdaılardyń aldyn alý úshin jol qozǵalysy erejelerin qatań saqtaýǵa, jol jaǵdaıyn eskerýge jáne kólik quraldarynyń tehnıkalyq jaǵdaıyn turaqty baqylaýda ustaýǵa shaqyrdy. 

Buǵan deıin Qapshaǵaı sý qoımasynda jeńil avtokólik muzdy jaryp, sýǵa batyp ketkenin jazǵan edik.