Soltústik Qazaqstanda joldyń bir bóligi 22 tamyzǵa deıin jabyldy
ASTANA.KAZINFORM — Soltústik Qazaqstan oblysynda jol jóndeý jumystaryna baılanysty «Petropavl qalasynyń aınalma jolynyń» 28–30 shaqyrymynda kólik qozǵalysyna ýaqytsha shekteý engizildi. Jol 22 tamyz saǵat 21:00-de ashylady dep josparlanǵan. Bul týraly QazAvtoJol málim etti.
2026 jylǵy 15 tamyz saǵat 12:00-den bastap ortasha jóndeý jumystaryn júrgizýge baılanysty «Petropavl qalasynyń aınalma joly» avtomobıl jolynyń 28–30 shaqyrym aralyǵynda barlyq avtokólik túrleri úshin qozǵalysqa ýaqytsha shekteý engizildi.
Jóndeý jumystary kezeńinde kólik qozǵalysy Zarechnyı aýyly arqyly uıymdastyrylady. Joldy 2026 jylǵy 22 tamyz saǵat 21:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
