Soltústik Qazaqstanda jantúrshigerlik jol apatynan kólik júrgizýshisi kóz jumdy

ASTANA. KAZINFORM — Soltústik Qazaqstan oblysyna qarasty «Mamlıýtka-Qostanaı» tas jolynda jol apaty bolyp, Audi kóliginiń júrgizýshisi qaza tapty. Qazir jol-kólik oqıǵasy boıynsha tergeý bastaldy.

Oqıǵa 8 aqpan kúni Soltústik Qazaqstan oblysyndaǵy «Mamlıýtka-Qostanaı» tas jolynda boldy. Jol apatynan Audi júrgizýshisi qaıtys boldy. Qazir apattyń mán-jaıy men sebepteri anyqtalyp jatyr.

Soltústik Qazaqstan oblysynyń polıtsııa departamenti kólik júrgizýshilerine jol-kólik oqıǵalarynyń aldyn alý úshin jol qozǵalysy erejelerin qatań saqtap, jol jáne aýa raıy jaǵdaıyn eskerip, kóliktiń qalypty jaǵdaıda bolýyn qadaǵalaý kerektigin eskertti.

Aıta keteıik, buǵan deıin Jezqazǵan — Petropavl avtojolynda bolǵan jol apatynan eki adam qaza tapty.