Soltústik Qazaqstanda qurylys lıtsenzııalaryn alý kezinde 50 adam ákimshilik jaýapqa tartyldy
ASTANA. KAZINFORM – Memlekettik sáýlet-qurylys baqylaý salasyndaǵy tekserispen kóp jyldyq kezeń ishinde qurylys-montaj jumystaryna lıtsenzııa berý kezinde óreskel buzýshylyqtar anyqtaldy. Bul týraly Bas prokýratýranyń baspasóz qyzmeti habarlady.
Ruqsattardyń edáýir bóligi ótinish berýshilerdiń mindetti biliktilik talaptaryna naqty sáıkestigi bolmaǵan kezde berilgeni belgili boldy.
Kóptegen uıym úshin lıtsenzııalardy resimdeý kezinde birdeı óndiristik bazalardyń mekenjaılaryn jáne birdeı rastaıtyn qujattardy paıdalanýdyń jappaı jaǵdaılary anyqtaldy. Ruqsattardy alǵannan keıin mundaı sýbektiler belgilengen talaptarǵa sáıkes kelmedi, bul baqylaýdyń formaldy sıpatyn kórsetedi.
Sondaı-aq kadrlyq quramdy rastaý kezinde buzýshylyqtar bolǵan, lıtsenzııalar bilimi men ótili boıynsha talaptarǵa sáıkes kelmeıtin ınjenerlik-tehnıkalyq qyzmetkerlerdiń sertıfıkattary negizinde berilgen.
Prokýrorlyq qadaǵalaý aktisi boıynsha 50 adam «Ákimshilik quqyq buzýshylyq týraly» Qazaqstan Respýblıkasy Kodeksiniń 464-baby boıynsha ákimshilik jaýaptylyqqa tartyldy, buzýshylyqtardy joıý boıynsha sharalar qabyldanyp jatyr.
Buzýshylyqty joıý máselesi qadaǵalaý organynyń baqylaýyna alyndy.
Eske sala keteıik, buǵan deıin Aqtaý prokýratýrasy úlestik qurylysqa qatysty málimdeme jasaǵanyn jazǵan edik.