Soltústik Qazaqstan sút klasterin damytýda kósh bastap keledi
ASTANA. KAZINFORM — Soltústik óńir elimizdegi sútti mal sharýashylyǵynyń negizgi ortalyqtarynyń biri retinde óz ornyn nyǵaıtyp keledi. Bul týraly AShM baspasóz qyzmeti málim etti.
— SQO tájirıbesin taratý baǵdarlamasy aıasynda sońǵy úsh jylda sút-taýarly fermalarǵa joǵary ónimdi asyl tuqymdy 9 myń iri qara mal jetkizildi. Bul sút óndirisiniń kólemin 16%-ǵa arttyrýǵa múmkindik berdi, — delingen vedomstvonyń habarlamasynda.
Sút klasterin damytýdyń kelesi kezeńinde Danııadan elıtalyq mal partııasy ákelindi.
Atap aıtqanda, «NýrSen Agro» seriktestigine álemdik sútti mal sharýashylyǵyndaǵy eń qundy ári tıimdi tuqymdardyń biri sanalatyn 231 bas djersı sıyry jetkizildi.
Djersı tuqymy óziniń erekshe qasıetterimen keńinen tanymal. Máselen, sútiniń maılylyǵy men aqýyzdylyǵy joǵary, ártúrli klımattyq jaǵdaılarǵa tózimdi. Osy qasıetteriniń arqasynda alynǵan shıkizat joǵary qosylǵan quny bar ónimderdi, sonyń ishinde premıým sanattaǵy irimshikterdi óndirýge paıdalanylady.
— Búginde óńirde 118 agroqurylym jumys isteıdi, olardyń 50-i — zamanaýı tsıfrlyq fermalar. Bul sharýashylyqtardaǵy jalpy mal basy 58,3 myńnan asady. Óndiristik úderister barynsha avtomattandyrylǵan, — dep habarlady mınıstrlikten.
«Karýsel», «Elochka» jáne «Parallel» tıpindegi joǵary tehnologııalyq saýý zaldary qoldanylady, sondaı-aq Dairy Plan, Heatem Pro sekildi tabyndy basqarý baǵdarlamalary engizilgen. Bul joǵary ónimdilik pen ónim sapasynyń turaqtylyǵyn qamtamasyz etedi.
Sala kóshbasshylarynyń qatarynda «Zenchenko ı K» kommandıttik seriktestigi bar. Munda jalpy sany 16,3 myń bastan asatyn, onyń ishinde 5,9 myń saýyn sıyry bar jeti sút kesheni jumys isteıdi. Ótken jyldyń qorytyndysy boıynsha kásiporyn 53,8 myń tonna sút óndirdi, bir sıyrdan ortasha saýym 9,5 myń kg-dy qurady. Qazirgi ýaqytta munda 3600 saýyn sıyrǵa arnalǵan, jalpy mal basy 8 myńǵa deıin jetetin mega-ferma qurylysy júrgizilýde. Fermada saǵatyna 490 sıyrǵa deıin qyzmet kórsetetin, 90 oryndyq «Karýsel» saýý qondyrǵysy ornatylady. Keshenniń jobalyq qýaty jylyna 38 myń tonna sútti quraıdy.
Sondaı-aq «SK Agro 2050» seriktestiginiń ınvestıtsııalyq jobasyn júzege asyrý salanyń damýyna tyǵ serpin berýde damytýǵa qosymsha serpin berýde. Keshen 3600 saýyn sıyrǵa jáne jalpy 10 myń basqa deıin eseptelgen, jyldyq qýaty 30 myń tonna sút. Munda bir saǵatta 545 sıyrǵa deıin qyzmet kórsete alatyn, 100 oryndyq eń iri saýý zaldarynyń biri iske qosylmaq.
Salany keshendi damytý — tabynnyń genetıkasyn jaqsartýdan bastap tsıfrlyq tehnologııalardy engizý men zamanaýı fermalar salýǵa, aımaqta óndiris kólemin arttyrýmen qatar, joǵary tıimdi ári turaqty sút klasterin qalyptastyrýǵa múmkindik berip otyr. Bul óńirdiń Qazaqstandaǵy sút ındýstrııasyndaǵy kóshbasshy mártebesin odan ári bekemdeı túsedi.
Aıta ket eıik, SQO-da maıly daqyldar alqaby 1 mln ga jetti.