Soltústik Qazaqstan oblysynyń ekosaıahat baǵyttary: tabıǵatpen úndes marshrýttar
ASTANA. KAZINFORM — Soltústik Qazaqstan oblysynda óńirdiń tabıǵı jáne mádenı kórikti jerlerimen tanysýǵa múmkindik beretin birqatar ekotýrıstik marshrýt bar, dep habarlaıdy Týrızm ındýstrııasy komıtetiniń baspasóz qyzmeti.
Bul toptamaǵa jaıaý, avtobýspen jáne sý arqyly ótetin baǵyttar kiredi. Marshrýttar ártúrli uzaqtyqqa jáne saıahat formattaryna beıimdelgen.
Baǵyttar Aıyrtaý aýdanynyń kórkem tabıǵaty arqyly ótip, Imantaý men Shalqar kólderiniń jaǵalaýyn boılaı jalǵasady. Sondaı-aq «Býıan» shatqalyn jáne taýly jotalardy qamtıdy. Sondaı-aq Petropavl qalasyndaǵy tarıhı ári mádenı nysandardy aralaýdy da qarastyrady.
Ekomarshrýttar belsendi demalysqa, tanymdyq saıahatqa jáne óńirdiń tabıǵı murasymen uqypty tanysýǵa baǵyttalǵan. Olar tabıǵı landshafttardy tamashalaýǵa, tarıhı oryndardy kórýge jáne Soltústik Qazaqstan oblysynyń týrıstik áleýetin jaqynyraq tanýǵa múmkindik beredi.
Toptamada qysqa qalalyq serýenderden bastap, óńirdiń tabıǵı aýmaqtaryna jasalatyn bir kúndik saparlarǵa deıingi ártúrli uzaqtyqtaǵy marshrýttar usynylǵan.
Týrıstik baǵyttar týraly tolyǵyraq aqparatty jáne ózekti málimetterdi resmı @visitsko paraqshasynan bile alasyz.
Osyǵan deıin Memleket basshysy Qasym-Jomart Toqaev týrıstik sala men balalar sportyn qoldaý týraly zańǵa qol qoıǵanyn jazǵanbyz.