Qanat Bozymbaev SQO-daǵy sý tasqynyna daıyndyq barysyn tekserdi
ASTANA. KAZINFORM – Shal Aqyn aýdanyna qarasty Sergeevka qalasynda Qanat Bozymbaev Sergeev sý torabynyń jaǵdaıyn tekserdi.
Bul nysan – Esil ózeniniń aǵynyn retteıtin jáne sý resýrstarymen qamtamasyz etetin strategııalyq obekt. Ótken jyldan beri munda nyǵaıtý, túbin tereńdetý jáne jaǵalaýlardy shaıylýdan qorǵaý jumystary júrgizilýde. Qazir sý tasqynynyń ekinshi tolqynynyń sharyqtaý kezeńi ótip jatyr.
Sonymen qatar vıtse-premer Esil ózeniniń boıynda ornalasqan Nıkolaevka, Pokrovka, ıAvlenka, Bolshaıa Malyshka jáne Sokolovka aýyldaryndaǵy jaǵdaıdy tekserdi. Oblys boıynsha sý basý qaýpi bar 116 eldi meken bar. Oblys ákimi Ǵaýez Nurmuhambetovtyń aıtýynsha, jaǵdaı turaqty baqylaýǵa alynǵan.
Budan bólek, Qanat Bozymbaev Novonıkolsk aýylyndaǵy kópirdi, Qyzyljar aýdanyna qarasty Beskól, Prıbrejnoe jáne Teplıchnoe aýyldaryndaǵy jóndelgen bógetterdi, Petropavl sý torabyn jáne Zarechnyı kentindegi aınalma kanaldyń jaǵdaıyn qarady. Uzyndyǵy 3,7 shaqyrymǵa sozylǵan bul kanal bıyl sý deńgeıin retteý jáne artyq sýdy shyǵarý úshin salyndy.
Petropavlda sý tasqynynyń birinshi tolqynynyń sharyqtaý kezeńi 4-5 sáýirge boljanyp otyr. Qorǵaý bógetterin nyǵaıtý jumystary aıaqtalýǵa jaqyn. Qanat Bozymbaev Ýşeva kóshesindegi bógettiń qalpyna keltirý jumystaryn tekserdi. Bul nysan Podgora shaǵyn aýdanyn sý tasqynynan qorǵaıdy. Sondaı-aq ol «Bıoprýd» sý jınaý qoımasy mańyndaǵy qorǵanys bógetiniń qurylysymen tanysty. Jumystar jeltoqsanda aıaqtalmaq.
Vıtse-premer qala aýmaǵyndaǵy saıajaı alqaptaryn jáne oblystyq ákimdik janyndaǵy jedel áreket etý ortalyǵyn da aralady.
Oblysta sý tasqynyna qarsy 109 is-sharadan turatyn ınjenerlik jumystar jospary iske asyrylyp jatyr. Nátıjesinde 60 eldi mekende sý basý qaýpi tómendedi. 47 km jańa bóget salynyp, 41 km qorǵanys bilikteri nyǵaıtyldy. Avtojoldarǵa 108 sý ótkizý qubyry ornatylyp, 10 km sý burý aryqtary tereńdetildi, 4 km kishi ózen arnalary tazartylyp, 200 km nóser káriz jelisi tazardy.
Sý tasqyny kezeńiniń qaýipsiz ótýin qamtamasyz etý úshin Qanat Bozymbaev Soltústik Qazaqstan oblysynyń ákimdigi men TJM-ge táýlik boıy táýekel aımaǵyndaǵy eldi mekenderde, ásirese saıajaı alqaptarynda monıtorıng júrgizýdi, sý qoımalaryndaǵy sý deńgeıin retteýdi jáne halyqty sý tasqynyna qarsy is-sharalar týraly ýaqtyly habardar etýdi tapsyrdy.