Soltústik Qazaqstan oblysynda jol jabyldy
ACTANA. KAZINFORM – QazAvtoJol Soltústik Qazaqstan oblysynda kólik qozǵalysyna shekteý qoıylǵanyn habarlady.
– Qatty jaýyn-shashyn men aýyr júk kólikteriniń qozǵalysy saldarynan KZ15-08 «Tımırıazevo – Sarykol – oblys shekarasy» avtojolynyń 0-30 km aralyǵynda jol oıylyp ketti. Osyǵan baılanysty, 2025 jylǵy 9 qarasha saǵat 11:00-den bastap jóndeý-qalpyna keltirý jumystary júrgizilýi úshin kóliktiń barlyq túriniń qozǵalysyna shekteý qoıylady, - delingen habarlamada.
Kostanaı qalasynan Tımırıazev aýdanyna qozǵalys kelesi respýblıkalyq mańyzy bar balama (alternatıvti) avtojoldar arqyly júzege asyrylady:
KAZ03 «Astana – Atbasar – Jaqsy – Rýzaevka – Sarykol – Kostanaı (aınalma jol) – RF shekarasy (p/p Qaıraq)» — km 553–768;
KAZ13 «Jezqazǵan – Arqalyq – Petropavlovsk» — km 673–786; KZ15-05 «Voloshınka – Sergeevka – Tımırıazevo» — km 56–119.
Joldy 2025 jylǵy 11 qarasha saǵat 11:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Astana men 13 óńirde kún raıy buzylatynyn jazǵan bolatynbyz.