Soltústik Qazaqstan oblysynda qus fabrıkasy órtendi
ASTANA. KAZINFORM — Búgin kúndiz SQO ıAkor aýylynda qus fabrıkalarynyń biriniń aýmaǵynda konveıer taspasy janyp, órt ǵımarattyń shatyryna aýysty, dep habarlaıdy TJM baspasóz qyzmeti.
TJM birinshi bólimsheleri oqıǵa ornyna kelgennen keıin shatyrdyń ashyq jalynmen janyp jatqany anyqtaldy.
— Órt sóndirýshiler dereý órtti sóndirýge kiristi. Órt sóndirýshilerdiń úılesimdi jáne jedel áreketteriniń arqasynda órt qysqa merzimde sóndirildi, bul órttiń odan ári taralýyna jol bermeýge múmkindik berdi. Zardap shekkender joq, — delingen habarlamada.
Osydan buryn Túrkistan oblysynda 260 tonna maqta janyp ketkenin jazǵanbyz.
