Soltústik Kaspıı jobasynda E-procurement elektrondyq satyp alý júıesi engizildi
ASTANA. KAZINFORM – Іri munaı-gaz jobalarynda ishki eldik qundylyqty damytýdyń tıimdi júıesin qurýdy qamtamasyz etý maqsatynda jáne otandyq taýar, jumys jáne qyzmet kórsetýshilerdi qoldaý úshin Energetıka mınıstrligi Ónimdi bólý týraly kelisimderdegi Ókiletti organmen birlesip, Soltústik Kaspıı jobasynda E-procurement elektrondyq satyp alý júıesin engizý jumystaryn júrgizdi.
Energetıka mınıstrligi málimetinshe, 2026 jylǵy 1 qańtardan bastap elektrondyq satyp alý júıesi tolyq iske qosylyp, tolyq aýqymdy rejımde jumys istep jatyr.
Tsıfrlyq júıe taýarlardy, jumystardy jáne qyzmetterdi áleýetti ónim berýshilerden ótinim berý sátinen bastap tıisti sharttar jasalǵanǵa deıingi tenderlik protsesterdi qamtıdy.
Júıeni engizý ákimshilik kedergilerdi azaıtýǵa, ótinimderdi qaraý merzimderin qysqartýǵa jáne ónim berýshiler arasyndaǵy básekelestik deńgeıin arttyrýǵa baǵyttalǵan.
Elektrondyq format qatysýshylardyń Soltústik Kaspıı jobasynyń satyp alý protsedýralaryna teń qoljetimdiligin, sondaı-aq qajettilikti qalyptastyrýdan bastap sharttyq mindettemelerdi oryndaýǵa deıingi barlyq kezeńniń ashyqtyǵyn qamtamasyz etedi.
Aıta keteıik, memlekettik satyp alýda alaıaqtyq shemalarǵa qalaı tosqaýyl qoıylady.
Qazaqstandyq óndirýshilerdiń memlekettik satyp alý kólemi qanshaǵa jetkenin jazǵan edik.