Soltústik Kaspıı boıynsha ónimdi bólý týraly kelisimniń tenderlik rásimderinde ne ózgerdi

ASTANA. KAZINFORM — 2025 jylǵy 1 qańtardan bastap Soltústik Kaspıı boıynsha ónimdi bólý týraly kelisimniń tenderlik rásimderine engizilgen ózgerister men tolyqtyrýlar kúshine endi, dep habarlaıdy Energetıka mınıstrligi.

Energetıka mınıstrligi Ókiletti organmen birlesip Soltústik Kaspıı jáne Qarashyǵanaq jobalary boıynsha ónimdi bólý týraly kelisimderde Operatorlardyń retteletin satyp alýlarynda ózderi iske asyratyn jobalarda taýarlardyń, jumystar men kórsetiletin qyzmetterdiń elishilik qundylyǵy úlesin ulǵaıtý boıynsha jumys júrgizip jatyr.

Onyń maqsaty — iri munaı-gaz jobalarynda elishilik qundylyqty odan ári damytý jáne otandyq taýar óndirýshilerdi qoldaý.

— Qazaqstandyq taýar óndirýshilerdi Qashaǵan jobasynyń rettelip satyp alýlaryna tartý úshin 2025 jylǵy 1 qańtardan bastap kúshine engen Soltústik Kaspıı boıynsha ónimdi bólý týraly kelisimniń tenderlik rásimderine ózgerister men tolyqtyrýlar mańyzdy qadam boldy, — delingen mınıstrlik habarlamasynda.

Bul ózgerister men tolyqtyrýlar:

— Operatordyń jalǵyz jergilikti óndirýshiden taýarlarǵa qajettiligine sáıkes satyp alý múmkindigin,

— jergilikti óndirýshiler arasynda tender ótkizýdi,

— jergilikti óndirýshilerge shartty jeńildikti ulǵaıtýdy,

— ınvestıtsııalarǵa/uzaq merzimdi kelisimsharttarǵa aıyrbastaýǵa kelisimsharttar jasasýdy kózdeıdi.

Osyǵan deıin 2025 jyldan bastap memlekettik satyp alý salasynda qandaı ózgerister engizilgenin jazǵan bolatynbyz.