Soltústik Eýropadaǵy sý tasqyny: birqatar aımaqtarda jaýyn-shashyn rekordtyq deńgeıge taıaǵan
Eýropada ótken jaz mezgili tarıhtaǵy eń ystyq jazdyń biri boldy. Endi kúz mezgili de ádetten tys jaýyn-shashyndy bolyp ótip jatyr, dep habarlaıdy Kazinform agenttigi Euronews-ke silteme jasap.
Eki apta boıy tolassyz jaýǵan jańbyrdan keıin Frantsııanyń soltústigindegi birqatar aýdandar áli de sý astynda qalyp otyr. Pas-de-Kale departamentindegi qalalar men kentterde sý endi ǵana tartyla bastady. Sarapshylar buǵan osy aımaqtaǵy batpaqty jer jáne beısenbi kúni aımaqtyń ústinen ótken “Federıko” tsıklony sebep ekenin aıtty.
Birneshe myń turǵyn áli kúnge deıin taza aýyz sýǵa qol jetkize almaı otyr, júzdegen úı jaryqsyz qaldy.
Beısenbide zardap shekken aımaqqa Frantsııa premer-mınıstri Elızabet Born baryp, tabıǵı apattan zardap shekkenderge kómek kórsetýge ýáde berdi.
Osyǵan uqsas jaǵdaı Belgııanyń keıbir aımaqtarynda, ásirese Flandrııada baıqalady.
Tolassyz jaýǵan jańbyr men sý tasqynynan eń kóp zardap shekkenderdiń qatarynda sharýalar da bar. Zııannyń tolyq qunyn baǵalaý úshin ýaqyt qajet.
Al Kopengagende sorǵylar isten shyqqannan keıin mańyzdy magıstraldardy sý basqan.
