Soltústik Aralǵa bir jylǵa jetpeı 1,2 mlrd tekshe metr sý jiberildi
ASTANA. KAZINFORM — Qazaqstan Soltústik Araldy saqtaýǵa baǵyttalǵan jumystardy kúsheıtti. Byltyr qazan aıynan beri Soltústik Aral teńizine 1,2 mlrd tekshe metr sý jiberilgeni belgili boldy.
Sý resýrstary jáne ırrıgatsııa mınıstrligi Soltústik Aral teńizin saqtaý boıynsha keshendi jumystar júrgizip jatyr. Sońǵy jyldary qabyldanǵan sharalardyń nátıjesinde teńizge túsetin sý kóleminiń turaqty bolýy qamtamasyz etildi. Atap aıtqanda, 2025 jylǵy 1 qazannan búginge deıin Syrdarııa ózeni arqyly Soltústik Aral teńizine shamamen 1,2 mlrd tekshe metr sý jiberildi.
Bıylǵy vegetatsııa kezeńinde teńizge sekýndyna 14 tekshe metr sý túsip jatyr. Vegetatsııa kezeńi aıaqtalǵanǵa deıin sý jiberý kólemin birtindep sekýndyna 100-150 tekshe metrge deıin arttyrý josparlanyp otyr. Búginde Soltústik Araldaǵy sý kólemi 23,4 mlrd tekshe metr.
— Soltústik Araldy saqtaý maqsatynda mınıstrlik birqatar jobany júzege asyryp jatyr. Onyń ishinde Syrdarııa ózeni basseınindegi sýdy esepke alýdy avtomattandyrý jáne gıdrotehnıkalyq nysandardy rekonstrýktsııalaý jumystary bar. Sonymen qatar kórshiles memlekettermen ózara is-qımyl da kúsheıtilip jatyr. Máselen, byltyr Ózbekstan Respýblıkasymen transshekaralyq sý nysandaryn birlesip basqarý jáne utymdy paıdalaný týraly kelisimge qol qoıyldy. Bul — on jylǵa sozylǵan kelissózder protsesiniń nátıjesi, — dedi Sý resýrstary jáne ırrıgatsııa birinshi vıtse-mınıstri Nurlan Aldamjarov.
Budan buryn Soltústik Araldy saqtaý jobasyna Qazaqstan qansha qarajat bólgenin jazǵanbyz.
