Soltústik Araldy saqtaýǵa baǵyttalǵan 131 joba maquldandy — Sý mınıstrligi
ASTANA. KAZINFORM — Túrkistan jáne Qyzylorda oblystarynda «Soltústik Aral teńizi jáne ırrıgatsııalyq júıelerdi jańǵyrtý» jobasyn iske asyrylady. Bul týraly Sý resýrstary jáne ırrıgatsııa vıtse-mınıstri Jandos Sálimov baıandady.
Vıtse-mınıstrdiń aıtýynsha, birinshi kezeń aıasynda 131 jobadan turatyn pýl qalyptastyryldy. Joba Úkimettiń Úılestirý keńesiniń otyrysynda maquldandy jáne 2027-2030 jyldary iske asyrylady.
— Jobanyń maqsaty — Aral teńiziniń soltústik bóligindegi sý resýrstarynyń kólemin ulǵaıtý jáne turaqtandyrý arqyly Aral mańy óńiriniń ekologııalyq jaǵdaıyn jaqsartý, — dedi J. Sálimov Ortalyq kommýnıkatsııalar qyzmetinde ótken baspasóz máslıhatynda.
Joba aıasynda Kókaral bógetin rekonstrýktsııalaý, 2,2 myń km kanaldy qalpyna keltirý jáne 1,4 myń km sýarý júıesin avtomattandyrý kózdelgen.
Aıta keteıik, Soltústik Araldyń sý aıdyny 870 sharshy shaqyrymǵa ulǵaıyp, tuzdylyǵy eki esege kemidi.
Qazaqstanda 2030 jylǵa deıin 42 jańa sý qoımasy salynady. Sondaı-aq 37 sý qoımasy men 110 gıdrotehnıkalyq qurylys qaıta jańǵyrtylyp, 14,5 myń shaqyrym kanal jóndeledi.
Sonymen birge, 142 aýyldyń sý ınfraqurylymy jańarady.
