Soltústik Afrıka men Ońtústik Azııa memleketterine astyq eksporttalady - AShM

ASTANA. KAZINFORM — 2024 jylǵy astyqtyń jańa óniminiń 5,5 mln tonnasy eksporttaldy. Bul týraly QR Aýyl sharýashylyǵy vıtse-mınıstri Ermek Kenjehanuly málim etti.

- 2024 jyldyń qorytyndysy boıynsha 8,1 mln tonna eksportqa jóneltildi. Al byltyr kúzde jınalǵan ónimge toqtalsaq, qyrkúıek aıynan qazirge deıin 5,5 mln tonna astyq shetelge shyǵaryldy, - dedi E. Kenjehanuly Senatta tilshiler suraǵyna jaýap bere otyryp.

Onyń aıtýynsha, Qazaqstan astyǵy dástúrli naryqtarǵa eksporttalyp jatyr.

- Barlyq elder boıynsha oń ósim baıqalyp otyr. Sonymen qatar, astyq eksporttalatyn jańa naryqtar izdestirilip jatyr. Sonyń arasynda Soltústik Afrıka men Ońtústik Azııa memleketterine eksporttaý múmkindigi zerdelendi, - dedi vıtse-mınıstr.

Onyń sózine qaraǵanda, qazir astyq eksportyna kerek júk vagondary tıisti deńgeıde qamtamasyz etilgen.

Budan buryn habarlanǵandaı, QR Aýyl sharýashylyǵy mınıstrligi bıyl astyq qansha gektar jerge egiletinin naqtylady.