Soltústikte tuman, shyǵysta úsik júredi – Qazgıdromet
Kásiporynnyń boljamyna qaraǵanda, búgin atmosferalyq frontaldy bólikterdiń ótýine oraı Qazaqstannyń basym bóliginde kún qubylmaly bolady. Naızaǵaı oınap, jańbyr jaýady.
Kúndiz eldiń ońtústik-batysynda naızaǵaı oınap, nóser jaýyn, burshaq jaýady. Respýblıka boıynsha jel kúsheıip, soltústik-batysta tuman túsip, kúndiz ońtústikte – shańdy daýyl turady.
Kúndiz Mańǵystaý oblysynyń batysynda qatty jańbyr kútiledi.
Túnde Aqmola, Pavlodar oblystarynyń soltústiginde, shyǵysynda, Abaı oblysynyń batysynda, Shyǵys Qazaqstan oblysynyń shyǵysynda 1-3 gradýs úsik, Qostanaı oblysynyń batysynda, soltústiginde, Soltústik Qazaqstan oblysynyń batysynda topyraq betinde 2 gradýs úsik júredi. Qyzylorda oblysynda, Túrkistan oblysynyń soltústiginde, Jetisý jáne Aqtóbe oblystarynyń ońtústiginde, Almaty oblysynyń soltústik-batysynda tótenshe órt qaýipi saqtalady.