Soltústikte oqyǵysy keletin túrkistandyq jastarǵa 6 myńǵa jýyq grant bólindi

TÚRKІSTAN. QazAqparat - Úkimet jastar máselesine arnap «Máńgilik el jastary - ındýstrııaǵa» («Serpin») jobasyn usynǵan bolatyn. Baǵdarlama bastalǵan 4 jyldan beri Túrkistan oblysy boıynsha joǵary oqý oryndarynda - 6490, kolledjderde - 1938 jas bilim alýda, dep habarlaıdy QazAqparat oblys ákiminiń baspasóz qyzmetine silteme jasap.

Osylaısha baǵdarlama aıasynda bilim alyp jatqan búkil jastyń 50 paıyzy - ońtústik óńirge tıesili. Bul týraly Túrkistan oblystyq óńirlik kommýnıkatsııalar qyzmetinde ótken brıfıngte Otbasy, balalar jáne jastar isi jónindegi basqarma basshysynyń orynbasary Muhtar Seıtjapbarov málim etti. 

Ótken jyly «Máńgilik el jastary - ındýstrııaǵa» baǵdarlamasy aıasynda 4513 grant bólingen bolatyn. Bıyl Túrkistan oblysynda mektepti 33 myńnan astam oqýshy bitirip, olardyń 22091-i Ulttyq biryńǵaı testileýge qatysqan. Onyń 19 myńnan astamy shekti baldy jınady.

«2018-2019 oqý jylynda «Máńgilik El jastary - ındýstrııaǵa» jobasyna 5829 memlekettik grant bólinip otyr. Onyń ishinde, joǵary oqý oryndaryna - 5089 grant bólinse, kásiptik-tehnıkalyq kolledjderge - 740 grant qarastyrylǵan. Bıyl talapkerlerden qujat qabyldaý merzimi erte bastaldy. ıAǵnı aǵymdaǵy jyldyń 18-26 shilde aralyǵynda Qazaqstan boıynsha barlyq joǵary oqý oryndarynda qujattar qabyldanady», - dedi Muhtar Seıdahmetuly.

Aıta keterligi, «Máńgilik El jastary - ındýstrııaǵa» jobasyna qujat óńir boıynsha 3 núktede qabyldanady. Olar: tehnıkalyq ǵylymdar salasy boıynsha - M.Áýezov atyndaǵy OQMÝ «A» ǵımaraty, pedagogıkalyq mamandyqtar boıynsha - OQMPÝ «B» ǵımaraty jáne Q.A.ıAsaýı atyndaǵy Halyqaralyq Qazaq-Túrik ýnıversıteti. Kásiptik-tehnıkalyq kolledjderde bilim alýǵa nıetti talapkerlerden qujat qabyldaý oblystyq «Jastar resýrstyq ortalyǵy» ǵımaratynda aǵymdaǵy jyldyń 20 tamyzyna deıin jalǵasady.

Foto: shymkenttv.kz