Soltústikke kóshetin turǵyndarǵa yntalandyrý sertıfıkaty beriledi – mınıstr

ASTANA. QazAqparat – QR Eńbek jáne halyqty áleýmettik qorǵaý mınıstri Tamara Dúısenova soltústikke jumys kúshin kóshirýdegi ózgeristerdi aıtyp berdi, dep habarlaıdy QazAqparat tilshisi.

«Іshki mıgratsııadaǵy eń basty másele – ońtústikten soltústikke azamattardy kóshirý ǵana emes, soltústikte jumys ornynyń bolýy, sodan keıin baspananyń bolýy, odan keıin ǵana kóshýdi oılastyrǵan jón. Sondyqtan qazir kóshi-qon jónindegi baǵdarlamamyzǵa ózgerister engizip jatyrmyz, ondaǵy birinshi ózgeris – kóshetin azamat jumys ornyn belgileýi kerek. ıAǵnı jumys berýshiler nemese sol jerdegi jergilikti atqarýshy organdar jumysqa ornalastyrady.

Ekinshi ózgeris – jumys orny belgili bolǵan soń, qajetti kelisimshartty jasaǵan soń yntalandyrý sertıfıkattary beriledi. Munda olardyń alatyn baspanasynyń 50 paıyzyn quraıtyn shamadaǵy qarajat qolyna bólinedi. Bul qarajatty azamat úı salýǵa nemse satyp alýǵa bolmasa otbasy bankine bastapqy kapıtal retinde saqtap, odan keıin satyp alýyna da múmkindik bolady», - dedi mınıstr Ortalyq kommýnıkatsııalar qyzmetinde.

Buǵan deıin Tamara Dúısenova Reseıden elimizge qansha adam jumys maqsatynda kelgenin aıtqan edi.

Sonymen birge Qazaq kartasy aıasynda sheteldegi etnıkalyq qazaqtarǵa jeńildetilgen vıza, 10 jylǵa deıin ýaqytsha turý múmkindigi beriledi.

Foto: gov.kz