Soltústikqazaqstandyqtardy Arktıkanyń qoqysyn tazalaýǵa shaqyrdy
PETROPAVL. QazAqparat - RF ıAmal-Nenets avtonomııalyq okrýginiń delegatsııasy M.Qozybaev atyndaǵy Soltústik Qazaqstan memlekettik ýnıversıtetine keldi, dep habarlaıdy QazAqparat tilshisi oqý ornynyń baspasóz qyzmetine silteme jasap.
Kezdesýde ekologııa men tabıǵat paıdalaný, mádenıet jáne jastar saıasaty salalarynda yntymaqtastyqtyń bolashańy men ózara árekettestik talqylandy.
«Soltústik Qazaqstan men ıAmal-Nenets óńirleriniń arasynda uqsastyq kóp. Sizder sııaqty biz de soltústik aımaqta turamyz. Eki tarap arasyndaǵy dostyq qarym-qatynas odan ári bekı túserine senimdimin», - deıdi ıAmal-Nenets avtonomııalyq okrýginiń halyqaralyq syrtqy baılanys departamenti dırektorynyń birinshi orynbasary Sergeı Ýramaev.
Ekologııalyq ekspedıtsııa 15 kúnge jalǵasady. Úmitkerler ekologııa jáne bıologııa mamandyqtary boıynsha oqyp júrgen stýdentterden iriktelip alynady. Olar ekspedıtsııanyń quramynda Karsk teńiziniń jaǵalaýynda ornalasqan, búginde adam turmaıtyn Vılkıtsk aralynyń tańǵajaıyp tynys-tirshiligimen tanysatyn bolady. Kezinde munda iri óndiris oryndary bolǵan. Osynda metall qaldyqtaryn jınap, ekologııalyq tazalyqqa úles qosý - ekspedıtsııanyń basty maqsaty.
«Arktıka eriktileri» jobasynyń jetekshisi Evgenıı Rojkovskııdyń sózine qaraǵanda, 5 jyl boıy Beloe araly qoqystan tazartylypty.
Osylaısha araldyń ekologııalyq pasporty barlyq talaptarǵa sáıkestendirilipti. Endigi kezek- Vılkıtsk araly. Onda tek tikushaq qana qatynaıtyn kórinedi. Uıymdastyrýshylar ekspedıtsııa múshelerin jatyn orynmen, azyq túlikpen qamtamasyz etedi. Jyldyń ortasha aýa temperatýrasy 10 gradýs sýyqtyqtan aspaıdy. Ekologııalyq ekspedıtsııa shilde aıynda bastalady.
Osydan 5 jyl buryn bastalǵan ekologııalyq qozǵalysqa Reseı, Avstrııa, Bolgarııa, Ýkraına, Qytaı jáne Kýba elderinen 160-tan astam ókil qatysqan. Eriktiler Arktıkanyń soltústik bóligin aýyr metall qaldyqtarynan tazartqan.
Foto: pixdaus.com
