Soltústikqazaqstandyqtar Máńgilik alaýǵa gúl qoıýda

PETROPAVL. QazAqparat - Soltústik Qazaqstan oblysynyń halqy Jeńis kúni keńinen atap ótýde, dep habarlaıdy QazAqparat tilshisi.

Saltanatty is-shara Máńgilik alaý memorıalyna jaqyn ornalasqan Teatr alańynda bastaldy. Soltústikqazaqstandyq otbasylar ardagerlerdi qarsy alý úshin jáne Otan úshin janyn qıǵandardy eske alý úshin alańǵa keldi.

Ardagerler 1945 jyly Jeńis kúnin qalaı qarsy alǵandaryn aıtyp, qaza tapqan dostaryn kózderine jas alyp, eske aldy.

Soltústikqazaqstandyqtar Máńgilik alaýǵa baryp, gúl shoqtaryn qoıdy. AlPetropavl kóshelerinde sherý ótti. Bıyl oǵan birneshe myńdaǵan adam qatysty.

Kúni boıy Petropavldyń túrli aýdandarynda kontsertter, mınıatıýralar, oıyn-saýyq baǵdarlamalary uıymdastyrylady, áskerı-dala ashanasy jumys isteıdi. Keshkisin Jeńis saıabaǵynda merekelik otshashý bolady.

Soltústik Qazaqstan oblysynda EDS 110 ardageriniń kózi tiri.