Soltústikqazaqstandyqtar Astanaǵa 725 tonna ónim ákele jatyr
ASTANA. QazAqparat - 21-22 qazan kúnderi «Qazaqstan» sport saraıynyń kólikter turaǵynda Soltústik Qazaqstan oblysy taýar óndirýshileriniń jármeńkesi ótedi, dep habarlaıdy QazAqparat elorda ákimidiginiń medıa ortalyǵyna silteme jasap.
Atap aıtqanda, aýyl sharýashylyǵy taýarlarynyń jármeńkesinde et ónimderiniń - 78 tonnasy, makaron ónimderiniń - 5 tonnasy, baldyń - 13 tonnasy, sút ónimderiniń - 14 tonnasy, kartop pen basqa da kókónisterdiń 559 tonnasy satylady dep kútilýde.
Jármeńkege Soltústik Qazaqstan oblysynyń barlyq aýdandary men Petropavl qalasynyń 115-ke tarta kásiporny qatyspaq.
