Soltústikqazaqstandyq jumyrtqaǵa suranys artty
PETROPAVL. QazAqparat - Soltústik Qazaqstan oblysynda qus sharýashylyǵy turaqty damyp keledi. Byltyr jumyrtqa óndirisi 16% artsa, sonyń 74% eksportqa shyǵarylǵan, dep habarlaıdy QazAqparat tilshisi.
Soltústik Qazaqstan oblysynda qazir 10 shaqty qus fabrıkasy bar. Byltyr ondaǵy qus sany 8% artyp, 4,6 mln-ǵa jetken. Jalpy, óńir jumyrtqa óndirisi boıynsha elimizde úzdik úshtikke enedi. Soltústik Qazaqstannyń úlesi respýblıkada 14 % teń. 2018 jyly oblysta 809 mln dana jumyrtqa óndirildi. Bul - 2017 jylmen salystyrǵanda 16 % kóp.
«Qus sharýashylyǵyn odan ári damytý kerek. Bizdiń ónim suranysqa ıe ári básekege qabiletti. Byltyr 2017 jylmen salystyrǵanda jumyrtqa eksporty 74% artty», - dedi óńir basshysy Qumar Aqsaqalov SQO ákimdiginiń otyrysynda.
Jalpy, byltyr SQO-da eksport 20%-ǵa ósip, 129 mln dollardy qurady, ımport 10% azaıdy. 2018 jyly ekonomıka ósimi 104,4% qurady. Agrarlyq salada óndirilgen ónim kólemi jarty trıllıon teńgeden asyp jyǵyldy. Aýyl sharýashylyǵy óniminiń kólemi 2% ósti. Ónerkásiptik óndiris kólemi 2,2% artsa, qurylys jumystarynyń kólemi 13,6% kóbeıdi.
