Soltústikqazaqstandyq jastarǵa birden qos dıplom alýǵa múmkindik bar
M.Qozybaev atyndaǵy Soltústik Qazaqstan memlekettik ýnıversıteti Reseıdiń Saha Respýblıkasynan kelgen meımandardy qabyldap, ózara kelisimge otyrdy. ıAkýt memlekettik aýyl sharýashylyǵy akademııasy jergilikti joǵary oqý ornymen úsh jyldan beri áriptestik ornatqan. Endi eki jaqqa tıimdi «qos dıplom» baǵdarlamasyn júzege asyrmaq.
«Eki joǵary oqý orny arasyndaǵy áriptestikti jańa deńgeıge shyǵarýdy maqsat ettik. Soltústik Qazaqstan – agrarly ólke. Sol sebepti munda aýyl sharýashylyǵyna qajet joǵary bilikti mamandardy ázirleýge basymdyq beriledi. Olar agroónerkásiptik keshendegi jańa tehnologııalardy meńgerip shyǵady. Kelisim aıasynda sizdermen tájirıbe almasý múmkindigi arta túsedi», - dedi delegatsııany bastap kelgen ıAkýt memlekettik aýylsharýashylyǵy akademııasynyń rektory Ivan Sleptsov.
ıAkýt memlekettik aýyl sharýashylyǵy akademııasy – Reseıdiń Soltústik-Shyǵys aýmaǵyndaǵy bes óńirdi qamtıtyn negizgi joǵary oqý oryndarynyń biri. Saha Respýblıkasy 200 myńnan astam jylqy jáne osyndaı kólemde buǵy ósirýmen aınalysady. Mal sharýashylyǵyna qatysty ǵylymı baza jaqsy damyǵan. Oqý orny bıyl soltústikqazaqstandyq 5 abıtýrıentke veterınar mamandyǵy boıynsha bıýdjettik oryn usynbaq.
Qazirgi ýaqytta akademııalyq utqyrlyq boıynsha ıAkýtııada M.Qozybaev atyndaǵy SQMÝ-niń eki stýdenti bilim alyp jatyr. Olarǵa aı saıyn 5 myń rýbl stıpendııa da tólenedi. Reseılik jastar Petropavlda bilim alady. Eki jaqtyń oqytýshylary da alma-kezek shetelge shyǵyp dáris oqyp, tájirıbe almasyp turady.
Endi SQMÝ stýdentterine qos dıplom alyp shyǵýǵa múmkindik bar. Jańa baǵdarlama boıynsha magıstranttar da oqı alady. Tereń bilim alyp, qazaqstandyq jáne reseılik kompanııalarda tájirıbe jınaqtaıdy. Nátıjesinde QR jáne RF joǵary bilim týraly memlekettik dıplomyn alyp shyǵady.
