Soltústikqazaqstandyq volonter Arktıkadaǵy ekologııalyq ekspedıtsııaǵa qatysty
Petropavl turǵyny Roman Gırıchev Arktıkada uıymdastyrylǵan volonterlik is-sharadan elge oraldy. «Vılkıtskıı aralyna ekologııalyq ekspedıtsııa» dep atalatyn erikti baǵdarlamasy bıyl besinshi jyl ótti. Romannyń oǵan ekinshi ret qatysyp otyr.
Roman Gırıchev M.Qozybaev atyndaǵy Soltústik Qazaqstan ýnıversıtetiniń túlegi. Qazir «Qazgıdromet» RMK SQO fılıalynda ınjener-agrometeorolog isteıdi. Bıylǵy demalysyn ystyq elde, teńiz jaǵasynda kúnge kúıip emes, Arktıkadaǵy tek aq aıýlar meken etken aralda, temir-tersek jınaýmen ótkizdi.
«Roman ýnıversıtette oqyp júrgende bizden tájirıbeden ótti. Alǵyr, bilimdi jigit. Jaýapkershiligi mol maman. Sol sebepti oqýyn bitirisimen-aq biz ony ózimizge shaqyryp, jumysqa aldyq.
Arktıkadaǵy ekologııalyq aktsııaǵa buǵan deıin de qatysqan. Baǵdarlamaǵa taǵy qatysý úshin eki jylǵa jýyq demalys almady. Óıtkeni ekspedıtsııa 30 kúnge shaqtalǵan. Qatysýǵa qujatyn tapsyryp, ótti. Ol jaqta bir aı volonter bolyp eńbek etti, araldy qoqystan tazartty. Endi dúısenbi kúni jumysqa shyǵady», - deıdi «Qazgıdromet» RMK SQO fılıalynyń dırektory Qymbat Merǵalımova.
Roman Gırıchev halyqaralyq ekologııalyq aktsııaǵa Qazaqstannan qatysqan jalǵyz volonter. Arktıkaǵa sapary jaıynda ol áleýmettik jelide oqyrmandarymen bólisip otyrdy.
Volonterler bir aı boıy búginde ıesiz jatqan araldy temir-tersekten tazartýǵa kómektesti.
«Úıilgen temir-tersek, aýyr tehnıkanyń qozǵaltqyshtary, bólshekteri, tsısternalar men bóshkeler – munyń barlyǵy Sovet zamanynan qalǵan. ıAǵnı óte sapaly istelgen. Sondaı-aq ony ornynan qozǵaltyp, tasý úshin buzý qajet. Munyń óz qıyndyǵy bar», - dep jazdy Roman Gırıchev áleýmettik jelidegi paraqshasynda.
Vılkıtskıı aralynda 1953 jyly meteostansa qurylǵan eken. Gıdrometeorologııalyq qyzmettiń mamany retinde bul Romannyń qyzyǵýshylyǵyn týdyrǵan.
«Meteostansanyń aýmaǵynda eski termometrlerdi taptym. Onyń ishindegi eń kónesi 1960 jyly shyǵarylǵan eken. Ár jerde meteorologııalyq jabdyqtar shashylyp jatyr. Onyń ishinde psıhometrıkalyq úıshikter de, jaýyn-shashyn mólsherin ólsheıtin qondyrǵyǵa minýge qajet aǵash basqyshtar da bar. Onyń barlyǵy óte jaqsy saqtalǵan eken», - deıdi Roman Gırıchev.
Jastar Arktıkadaǵy aralda bir aı boıy ıenternetsiz, telefon baılanysynsyz ómir súrdi.
