Soltústikqazaqstandyq sportshy Roman Krech Vankýver Olımpıadasyna lıtsenzııa jeńip aldy
PETROPAVL. Jeltoqsannyń 11-i. QazAqparat /Sergeı Kýznetsov/ - Soltústikqazaqstandyq sportshy, halyqaralyq sanattaǵy sport sheberi Roman Krech Kanadanyń Kalgarı qalasynda ótken konkı sportynan álem chempıonatyna qatysyp, 2010 jylǵy qysqy Olımpıada oıyndaryna qatysý lıtsenzııasyn jeńip aldy.
Roman 500 metrlik qashyqtyqqa júgirdi. Dıstantsııany 35,53 sekýndta baǵyndyrǵan sportshy olımpıadalyq normatıvti oryndady. Álemdik reıtıngte Roman Krech úzdik 20 konkıshiniń qataryna kirip otyr.
Vankýver Olımpıadasyna qatysýdan úmitkerlerdiń qatarynda soltústikqazaqstandyq taǵy úsh sportshy bar. Olar - halyqaralyq sanattaǵy sport sheberleri, 2006 jylǵy Olımpıadaǵa qatysýshylar Dmıtrıı Babenko men Natalıa Rybakova, sondaı-aq Tatıana Sakırko. Olar jaqynda Amerıkanyń Solt-Leık-Sıtı qalasynda ótetin Álem kýbogynda olımpıadalyq normatıvti oryndaǵan jaǵdaıda, lıtsenzııaǵa qol jetkizedi.
