Soltústikqazaqstandyq sportshy Almatyda ótken III Eýrazııalyq sport oıyndarynyń chempıony boldy

Bul týraly oblystyq dene shynyqtyrý jáne sport basqarmasynyń baspasóz qyzmetinen habarlaıdy.

Bul jarystar 16-20 qyrkúıek aralyǵynda ótti, oǵan 1996-2000 jyldary týǵan jasóspirimder men qyzdar qatysýda. Oıyndar Eýrazııalyq ekonomıkalyq qoǵamdastyqtyń Integratsııalyq komıtetiniń sheshimi boıynsha ótkizilýde. Jarysqa Belarýs, Qazaqstan, Qyrǵyzstan, Reseı, Tájikstan Respýblıkalarynyń ókilderi qatysýda.

Eýrazııalyq sport oıyndary alǵashqy ret 2007 jyly Brestte (Belarýs), ekinshi ret - 2010 jyly Qazanda ótken bolatyn. Jasóspirimder men qyzdar arasynda ótetin úshinshi Eýrazııalyq sport oıyndarynyń tártibine sáıkes, 232 medal jıyntyǵy sarapqa salynyp, sporttyń 13 túri boıynsha jarys ótkizý qarastyrylǵan bolatyn. Jarysqa 400 adamnan turatyn tóreshiler korpýsy qyzmet kórsetýde.

SQO Aıyrtaý aýdanynan kelgen Aleksandra Hojaeva 37 keli salmaq dárejesinde áıelder arasyndaǵy erkin kúres boıynsha úshinshi Eýrazııalyq sport oıyndarynyń chempıony bolyp, altyn medaldi jeńip aldy.

Sportshy 1998 jyly 26 mamyrda týǵan. Jetim jáne ata-anasynyń qamqorlyǵynsyz qalǵan balalarǵa arnalǵan Aıyrtaý mektep-ınternatynyń tárbıelenýshisi bolyp tabylady. 2010 jyldyń qyrkúıek aıynan bastap, Aıyrtaý aýdany balalar-jasóspirimder sport mektebiniń erkin kúres bólimshesinde jattyqtyrýshy Eslám Salpyqovtyń jetekshiligimen sportpen aınalysa bastaıdy. Ol qurmetti demalysqa shyqqannan keıin jattyqtyrýshy Qajyǵalı Badymovtyń jetekshiliginde boldy.