Soltústikqazaqstandyq kollektsıoner 170 mýzykalyq aspap jınaǵan
PETROPAVL. QazAqparat - Soltústikqazaqstandyq kollektsıoner ıÝrıı Bakaı mýzykalyq aspaptardy jınaýmen aınalysady. Qazir onyń toptamasynda 170 mýzykalyq aspap bolsa, sonyń 100-i - syrnaı, dep habarlaıdy QazAqparat tilshisi.
«Bir kórgennen ǵashyq bolý» dep túsindiredi óziniń syrnaıǵa degen qyzyǵýshylyǵyn ıÝrıı Bakaı. Eń alǵash ol bul aspapty qolyna segiz jasynda alǵan eken. Áke-sheshesi kishkentaı ıÝranyń mýzykaǵa degen áýestigin baıqap, «Marıchka» atty syrnaı satyp áperedi. Sodan beri bul aspap onyń ómirlik dosyna, syrlasy ǵana emes, syrnaıda oınaý otbasyn asyrar kásibine aınalǵan.
«Syrnaıda oınaýdy ózim úırendim. Eki jyldan keıin sahnaǵa shyǵyp, «Kreıser Avrora» shyǵarmasyn oınaǵanym esimde. Bir baıqaǵanym, ár syrnaıdyń óz sazy bar, dybystalýy bir-birine uqsamaıdy.
Aqqaıyń aýdany Poltavka aýylynyń turǵyny ıÝrıı Bakaıdyń qazirgi mýzykalyq aspaptar kollektsııasy bir mýzeıge jeterlik. Toptamada syrnaıdyń 50-den astam túri, 30-dan astam baıan, onǵa jaqyn akkordeon bar. Budan basqa dombyralar, gıtaralar, marakastar, skrıpkalar, dabyl, daǵyra, kastanet sııaqty basqa da kóptegen túri jeterlik. Olardyń barlyǵy da oınaýǵa jaramdy.
«Mýzykalyq aspaptardy kóbine satyp alamyn. Qazir de ınternette meniń habarlandyrýym júr. Keıbirin, meniń qyzyǵýshylyǵymdy biletinder, syıǵa tartady. Synǵandardy kóbine ózim jóndeımin», - deıdi ıÝrıı Bakaı.
Syrnaılarynyń ishindegi eń kónesi - 1907 jylǵy aspap. Ony kollektsıoner Chelıabi qalasyna arnaıy aparyp, sheberlerge jóndetipti. Al, ıÝrıı úshin eń qymbattysy - soǵysta bolǵan syrnaı. Ony kezinde maıdanger aǵasy Ilıa Vasılevıch Podlodko syıǵa tartypty. Kóziniń qarashyǵyndaı saqtap júrgen kóne aspapty qalpyna keltirmeı, sol kúıinde qaldyrǵan eken.
53 jastaǵy ıÝrıı Bakaı qazir jergilikti mádenıet úıinde akkompanıator bolyp jumys isteıdi. «Hýtorok» balalar ansambliniń jetekshisi. Ulttyq aspaptardy nasıhattap júrgen olardyń jaqynda eńbegi elenip, úlgili balalar ujymy atandy.
ıÝrııdiń endigi armany - týǵan aýylynda mýzykalyq aspaptar mýzeıin ashý. Ol úshin arnaıy ǵımarat ta satyp alypty. Qarajat tabylyp jatsa, ony - úıdi jóndep, jaraqtandyrýǵa jumsamaq.
