Soltústikqazaqstandyq akrobattar Reseıden «altyn» ákeldi
PETROPAVL. QazAqparat - Soltústikqazaqstandyq sportshylar batýtte, akrobatıkalyq jolda, qos mınıtrampta sekirý boıynsha ashyq chempıonattan, Irkýtsk oblysy birinshiliginen oraldy, dep habarlady dene shynyqtyrý jáne sport basqarmasynyń baspasóz qyzmetine silteme jasap «QazAqparat» HAA tilshisi.
Jarysqa Reseı men Qazaqstannyń 7 qalasynan 100-ge jýyq sportshy qatysty. SQO quramasyn sporttyq akrobatıka boıynsha BJSM-nyń 16 tárbıelenýshisi óner kórsetti.
«Batýtte sekirýde 11-12 jastaǵy jasóspirimder arasynda 1 oryndy Zahar Koshparenko aldy. Basqa jas tobynda - sport sheberi úmitkerliginde batýttan sekirýden Sergeı Galıtskıı jeńiske jetti. 13-14 jastaǵy jas sportshylar arasynda akrobatıkalyq jolda sekirýden soltústikqazaqstandyq Oleg Remıgaılo kósh bastady. Nıkıta Kýroedov ekinshi oryn aldy. Sport sheberi baǵdarlamasy boıynsha jastar tobynda jarys altynyn Vıtalıı Dell ıelendi», - dedi basqarma baspasóz hatshysy Anna Penkova.
Sportshylardy jarysqa Rınat Beloganov basshylyǵymen bapkerler brıgadasy daıyndady.
