Soltústik polıýs eridi
ASTANA. QazAqparat - Soltústik Atlantıkadaǵy qýatty daýyl Artıkada jyly aýa massayn kóterdi, bul rekordtyq jylynýǵa ákep soqty -birqatar ýaqyt Soltústik polıýstegi temperatýra nólden joǵary kóterildi. Bul týraly The Washington Post habarlady.
30 jeltoqsanda Soltústik polıýs aınalasyndaǵy orasan zor aýmaqta temperatýra Tselsıı boıynsha mınýs bir men plıýs bir jarym gradýstyń arasynda qubylyp turdy. Soltústik endiktiń 87,45 gradýs endiginde ornalasqan Baken 64760-de eń joǵary - 0,7 gradýsty kórsetti.
Mundaı anomalııalyq jaǵdaı eki qýatty aýa raıy qubylysynyń arqasynda týyndady. AQSh pen Soltústik Eýropa boıynsha júretin tómengi qysym júıesi (tsıklon) Sibirdegi joǵary qysym júıesi (antıtsıklon) jyly jerortateńizdik aýany Soltústik polıýske yǵystyryp shyǵardy.
Degenmen qystaǵy Soltústik polıýstegi jyly temperatýra - ýaqytsha qubylys, dep sendiredi ǵalymdar. Arktıkalyq muzdardyń jazda erýi budan áldeqaıda qaýipti. Soltústik polıýstiń erýin jýrnalıster 2015 jyldyń sońyndaǵy tabıǵattyń tosyn syıy dep atady, bul baqylaýdyń búkil tarıhyndaǵy eń jyly qubylys boldy., dep habarlady Lenta.rý.
Foto: earth.nullschool.net
