Soltústik pen shyǵys óńirlerden basqa aımaqtarda sý tasqyny qaýpi seıildi - Qazgıdromet
NUR-SULTAN. QazAqparat - 2020 jyldyń kóktemgi sý tasqyny maýsymyna arnalǵan sońǵy gıdrologııalyq boljam jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
2-8 mamyr aralyǵynda Qazaqstan aımaǵynyń basym bóligi Máskeý jaqtan keletin tsıklonnyń yqpalynda bolady. Osyǵan baılanysty, naızaǵaı oınap, ekpindi jel turady, burshaq jaýýy múmkin. Ońtústikte daýyl turady, shyǵysta, ońtústikte jáne ońtústik-shyǵysta keı jerlerde nóser jańbyr jaýady.
Shyǵys Qazaqstan, Almaty, Túrkistan jáne Jambyl oblystarynyń taýly jáne taý bókterindegi ózenderde sý deńgeıi kóterilip, taý betkeıinde aǵyn qalyptasady.
Sodan keıin Qazaqstanǵa Jańa Jer aralynan sýyq antıtsıklon taralady. Onyń kelýimen jaýyn-shashyn toqtap, aýa temperatýrasy túngi ýaqytta mınýsqa deıin tómendeıdi. Kezeńniń sońynda ońtústikten jyly aýa massalary kelip, temperatýra joǵarylaıdy.
Qazaqstannyń kóptegen oblystarynda kóktemgi sý tasqyny kezeńi aıaqtaldy. Tek Soltústik Qazaqstan jáne Shyǵys Qazaqstan oblystarynda sý tasý aralyǵy mamyr aıynyń birinshi onkúndigine deıin jalǵasady.
Sondaı-aq Aqmola oblysynyń ózenderinde kóktemgi sý tasqynynyń sharyqtaý shegi ótti. Nura jáne Esil ózenderiniń deńgeıi odan ári aýytqıdy dep boljanyp otyr. Bul ózenderdiń joǵarǵy jaǵyna qaraı jyljý tolqyny esebinen bolady.
