Soltústik Osetııada lańkestik áreketti uıymdastyrýshylar týraly málimet úshin mıllıon rýbl syıaqy taǵaıyndaldy
ASTANA. Qyrkúıektiń 14-i. QazAqparat - Soltústik Osetııa ókimeti qyrkúıektiń 9-ynda Vladıkavkazdyń ortalyq bazaryndaǵy lańkestik áreketti jasaýǵa qatysy bar tulǵalar týraly málimetter úshin 1 mıllıon rýbl kóleminde syıaqy taǵaıyndady. Bul týraly «Baltınfo» aqparat agenttigi habarlap otyr.
Respýblıkanyń barlyq buqaralyq aqparat quraldarynda osyndaı habarlandyrý ornalastyryldy. Qandaı da bir málimet biletin azamattarǵa Federaldyq qaýipsizdik qyzmetiniń jáne Soltústik Osetııanyń Іshki ister mınıstrliginiń senim telefondaryna habarlasý týraly ótinish jasalýda.
