«Soltústik-ońtústik» gaz qubyrynyń qurylysy 2019 jylǵa qaldyryldy
ASTANA. QazAqparat - Pákistandaǵy «Soltústik-ońtústik» gaz qubyrynyń qurylysy gazdy aıdaý tarıfi týraly kelisimniń bolmaýy saldarynan 2019 jylǵa qaldyryldy, dep málimdedi jýrnalısterge «Rosteh» memkorporatsııasynyń basshysy Sergeı Chemezov Peterbýrge halyqaralyq ekonomıkalyq forýmy barysynda. Bul týraly TASS habarlaıdy.
«Jobalaý jumystary aıaqtalýǵa jaqyn. Qazir bar másele - tarıfte bolyp tur. Usynylyp jatqan tarıf jobaǵa tartylǵan qarjyny qaıtarýǵa múmkindik bermeıdi. Biz seriktesterimizdi tarıfti kóterýge kóndirip jatyrmyz. Bul másele sheshimin tabady dep úmittenemin. Biraq buryn bekitilgen merzim keıinge qaldyrylady. Joba bir jylǵa shegerilip, 2019 jyly iske qosylatyn shyǵar», - dedi ol.
Aıta keteıik, Reseı men Pákistan 2015 jyldyń qazan aıynda qashyqtyǵy 1,1 myń jáne jylyna qýattylyǵy 12,4 mlrd tekshe metrdi quraıtyn «Soltústik-Ońtústik» gaz qubyrynyń qurylysy týraly úkimetaralyq kelisimge qol qoıǵan bolatyn.
