Soltústik óńirlerdiń Reseı baǵytyndaǵy eksporttyq áleýeti 1 mlrd dollar - Baqyt Sultanov
«Soltústik Qazaqstan oblysyn damytý jónindegi Keshendi jospardyń 53-tarmaǵynda saýda-logıstıkalyq hab qurý kózdelgen. Saýda jáne ıntegratsııa mınıstrligi Soltústik Qazaqstan oblysy ákimdigimen birlesip bul máseleni pysyqtady. Atalǵan joba iske asyrý eki kezeńnen turady. Birinshi kezeńde Ulttyq taýar ótkizý júıesi aıasynda kóterme-taratý ortalyqtary qurylady. Ekinshi kezeńde ol saýda-logıstıkalyq hab retinde jalǵastyrylady. Qazirgi ýaqytta Ulttyq taýar ótkizý júıesin qurýdyń birinshi kezeńi Ulttyq ekonomıka mınıstrliginiń ekonomıkalyq saraptamasy aıaqtalý satysynda. Qurylys jumystary aǵymdaǵy jyldyń sáýir aıyna josparlanǵan», - dedi mınıstr.
Onyń aıtýynsha, Ulttyq taýar ótkizý júıesin qurýdyń ekinshi kezeńi 7 kóterme-taratý ortalyǵyn, onyń ishinde Petropavl qalasyndaǵy Saqtaý – kóterme-taratý ortalyǵyn qurýdy kózdeıdi.
«Birinshi kezeńde jınaqtalǵan tájirıbeni eskere otyryp, qurylys jumystary bıyldyń qyrkúıek aıyna josparlanǵan. Qazaqstannyń soltústik óńirleriniń eksporttyq áleýeti Reseıdiń Sibir, Soltústik jáne Qıyr Shyǵys óńirlerine shamamen 1 mlrd dollardy quraıdy. Osyǵan baılanysty Petropavl qalasyndaǵy kóterme-taratý ortalyǵyn tolyqqandy ónerkásiptik, saýda jáne logıstıkalyq habqa odan ári damytýǵa kózdelip otyr. Habtyń mamandanýyn Qazaqstannyń soltústik óńirlerindegi aýyl sharýashylyǵy ónimderin, sondaı-aq mıneraldar, kómir, tsement jáne basqa da taýarlardy júzege asyrýǵa baǵyttaýdy usynamyz», - dedi Baqyt Sultanov.
«Soltústik Qazaqstan oblysy 592,3 myń tonna kartop jáne 37 myń tonna sábiz óndiredi. Kásiporyndardyń úlesi shamamen 100 myń tonnany quraıdy, al qalǵan bóligi jeke úı sharýashylyqtar arqyly óndiriledi. Petropavl qalasynda saqtaý – kóterme-taratý ortalyǵyn qurý aýyl sharýashylyǵy taýaryn óndirýshilerdi 50 shaqyrym radıýsta saqtaý alańdarymen qamtamasyz etýge múmkindik beredi jáne Maǵjan Jumabaev atyndaǵy aýdandy, Qyzyljar, Mamlıýt, Aqqaıyń aýdandaryn qamtıdy. Soltústik Qazaqstan oblysynyń ákimdigimen Petropavl qalasyna jer telimin bólý máselesi pysyqtaldy. 21,3 gektaralańda qoımalar men temirjol beketi bar. Saýda-logıstıkalyq habty qurý óńirdiń damýyna, básekege qabiletti óndiristerge, ónimniń jańa túrlerin ıgerýge, óńirdiń aýyl sharýashylyǵy ónimderin saqtaýǵa jáne ınvestıtsııalar tartýǵa qosymsha serpin beredi», - dedi mnıstr.
Aıta keteıik, búgin Úkimet otyrysynda QR Ulttyq ekonomıka mınıstri Áset Erǵalıev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyn tanystyrdy. Premer-Mınıstr Asqar Mamın jospar y óńirdiń ınfraqurylymyn jaqsartatynyn atap ótti.
