Soltústik óńirlerde qar jaýyp, burqasyn bolady
NUR-SULTAN. QazAqparat - «Qazgıdromet» Qazaqstannyń birqatar óńirlerinde aýa raıyna baılanysty eskertý jarııalady, dep habarlaıdy QazAqparat.
26-27 sáýirde Soltústik Qazaqstan oblysynyń keı jerlerinde jaýyn-shashyn (jańbyr, qar) jaýady. Tuman túsip, kóktaıǵaq, jaıaý burqasyn bolady. 26 sáýirde soltústik-batystan jáne batystan jel soǵyp, jel ekpini keı jerlerde 15-20 m/s deıin jetedi. 27 sáýirde túnde keı jerlerde jeldiń kúshi 15-20 m/s, kúndiz 15-20, keı jerlerde 25 m/s bolýy múmkin. 26-27 sáýirde aýa temperatýrasy túnde 0-5 gradýs aıazǵa deıin tómendeıdi.
Petropavl qalasynda 26-27 sáýirde jaýyn-shashyn (jańbyr, qar), kóktaıǵaq bolady. 27 sáýirde soltústik-batystan jáne batystan qatty jel soǵady, jel ekpini 15-20 m/s deıin kúsheıedi.
26 sáýirde Aqmola oblysynda ońtústik-batystan soqqan jel sotústik-batysqa aýysady, kúshi keı jerlerde 15-20 m/s kútiledi. Túnde keı jerlerde tuman túsip, kóktaıǵaq bolady. Aımaqta jaıaý burqasyn kútiledi.
26 sáýirde Túrkistan oblysynyń keı jerlerinde naızaǵaı, burshaq, tańerteń jáne kúndiz batystan soǵatyn jeldiń kúshi 15-20 m/s kútiledi.
Túnde keı jerlerde 2 gradýs úsik saqtalady.
26 sáýirde tańerteń jáne kúndiz Qyzylorda oblysynyń keı jerlerinde naızaǵaı, kúndiz ońtústik-batys, batystan soǵatyn jeldiń kúshi oblystyń basym bóliginde 15-20 m/s, keı jerlerde shańdy daýyl kútiledi.
