Soltústik óńirlerde aýa raıyna baılanysty eskertý jarııalandy
ASTANA. QazAqparat - Qazaqstannyń eki oblysynda aýa raıyna baılanysty eskertý jarııalandy, dep habarlaıdy QazAqparat tilshisi «Qazgıdromet» RMK-ǵa silteme jasap.
Sınoptıkterdiń habarlaýynsha, Soltústik Qazaqstan oblysynda 20 maýsym kúni saǵat 21.00-den 21 maýsym 21.00-ge deıin ońtústik-batystan jel soǵyp, soltústik-batysqa qaraı oıysady, jyldamdyǵy sekýndyna 15-20 metrge jetedi. Kúndiz óńir aýmaǵynyń basym bóliginde jeldiń jyldamdyǵy 15-20 m/s-qa jetip, ekpini 23-28 m/s bolady.
Qostanaı oblysynda 21 maýsym naızaǵaı oınap, daýyl soǵyp, burshaq jaýýy múmkin. Túnde keı jerlerde ońtústik-batystan jel soǵady, kúndiz jeldiń jyldamdyǵy 15-20 m/s-qa deıin jetýi múmkin.
