Soltústik oblystar úıirli emes shegirtkelermen kúres júrgizýge selqostyq tanytýda - AShM
ASTANA. Maýsymnyń 8-i. QazAqparat /Jasulan Amanbaıuly/ - Aqmola, Qostanaı jáne Soltústik Qazaqstan oblystary zııany eleýli bolǵanymen úıirli emes shegirtkelerge qarsy sharalardy júrgizbeı otyr. Bul týraly búgin Aýyl sharýashylyǵy mınıstrliginde bolǵan baspasóz máslıhaty kezinde Agroónerkásip kesheniniń Memlekettik ınspektsııasy komıteti tóraǵasynyń mindetin atqarýshy Saqtash Hasenov aıtty,
dep habarlaıdy QazAqparat.
Byltyr úıirli emes shegirtke zııankesteri shamamen 400 myń gektar jerge taralyp, aýyl sharýashylyǵyna biraz shyǵyn keltirgen bolatyn. Bıyl 895,5 myń gektar aýmaqty sharpıdy degen boljam bar.
Úıirli emes shegirtkelerge qarsy oblystarda 335 mln. teńge bólinip, oshaqtardy dárileý sharalary bastalyp ketti. Tek Aqmola, Qostanaı jáne Soltústik Qazaqstan óńirlerinde bul jumystar qolǵa alynbaýda, dedi S. Hasenov.
Onyń atap kórsetkenindeı, úıirli emes shegirtkelerge qarsy sharalarǵa respýblıkalyq bıýdjetten qarajat qarastyrylmaıdy. Qarjy bólý, shegirtkelerdiń taralý aımaǵyna zertteý jasaý jumystaryn jergilikti bılik júzege asyrady.
«Úıirli emes shegirtkelerdiń zııany úıirli zııankesterden kem túspeıdi. Sebebi, olar keıin toptasyp egistik, shabyndyqtarǵa qaptaıdy. Sondyqtan jergilikti ákimshilikterdiń osy jaıtqa az ýaqyttyń ishinde kóńil bólgenderi jón», - dedi S.Hasenov.
